15 İYUN MİLLİ QURTULUŞ GÜNÜDÜR!
AZƏRBAYCAN TARİXİNƏ ƏBƏDİ HƏKK OLUNAN GÜN
Müstəqilliyin əldə olunması nə qədər çətindirsə, onun saxlanması, daimi-əbədi olması bundan da çətindir. Heydər Əliyev
1993-cü ilin iyun ayının 15-Azərbaycan xalqının tarixində ən əlamətdar bir tarixi gün kimi hər il dövlət səviyyəsində qeyd edilir. Həmin gün tarixi şəxsiyyət, xalqımızın unudulmaz oğlu Heydər Əliyevin Azərbaycanda hakimiyyətə qaydışı tariximizə Milli Qurtuluş günü kimi daxil oldu. Bu tarixi qayıdış Azərbaycanın müstəqilliyini reallığa çevirdi. Bu əsrlərin sınağından keçə-keçə min bir əziyyətlə, dönmədən məqsədinə doğru addımlayan bir millətin özünə qaydışı idi. Bu dilimizin, milli-mənəvi dəyərlərimizin, unudulmuş, yaddan çıxmış bir çox həqiqətlərin, eyni zamanda bizə öz real gücümüzü, mənəvi bütövlüyümüzü dərk etməyimizin qaydışı idi.
1988-ci ildən 1993-cü ilin iyun ayına qədər Azərbaycanda bir-birinin ardınca baş verən hakimiyyət dəyişikliyi, vətəndaş müharibəsi təhlükəsi, torpaqlarımızın mənfur qonşularımız tərəfindən işğalı fonunda həmin dövrün əsl mahiyyəti olduqca faciəli idi.
1991-ci ildə öz müstəqilliyini elan etmiş Azərbaycan Respublikası çətin, ağır bir mərhələyə qədəm qoymuşdu. Bu mərhələ Azərbaycanın bir dövlət kimi, Azərbyacan xalqının isə bir xalq kimi gələcək məsələsinin həlli mərhələsi idi. 1991-ci ildən başlayaraq 1993-cü ilin iyun ayına kimi ölkədə hakimiyyətsizlik, başıpozuqluq, hərc-mərclik mövcud idi. Bir sözlə Azərbaycan dağılmağa, bölünməyə, parçalanmağa doğru gedirdi.
Azərbaycanın belə bir çətindən də çətin dövründə xalqımız siyasi xadim, xalqını-dövlətini sevən vətənpərvər insan Heydər Əliyevi köməyə çağırdı, hakimiyyəti ona etibar etdi. Azərbaycanın belə bir çətin dövründə o dövrkü iqtidar nümayəndələri də yaranmış çətinliklərə tab gətirməyərək Heydər Əliyevin Azərbaycan Respublikasına hakimiyyətə qaydışını ondan dəfələrlə xahiş etdilər. Xalqını, Vətəni Azərbaycanı dərin məhəbbətlə sevən Heydər Əliyev xalqın səsinə səs verdi. 1993-cü ilin iyun ayında Bakıya gəldi və bu elə-belə gəliş deyildi, bu bir xilaskarın gəlişi idi. Həmin vaxtlar Heydər Əliyev öz gəlişini məqsədini belə ifadə etmişdi.“ Mən Azərbaycanın müstəqilliyini Azərbaycan xalqı üçün böyük nailiyyət hesab etmişəm. Həmişə bu müstəqilliyin əldə olunmasına çalışmışam. Bundan sonra ömrümün qalan hissəsini də Azərbaycanın müstəqilliyinin möhkəmlənməsinə sərf edəcəyəm.”
1993-cü ilin iyun ayının 15-də Azərbaycan Respublikası Ali Sovetinin sədri seçilən Heydər Əliyev belə bir tarixi vaxtda bütün Azərbaycan xalqını vətəndaş həmrəyliyinə dəvət etdi. Bu müraciət vətəninin ən ağır günlərində xalqını milli birliyə, düşmənlərə qarşı birgə mübarizəyə çağırış idi. Həmin vaxtdan Azərbaycan xalqının, Azərbaycan dövlətinin həyatında çox böyük dönüş yarandı. Müstəqilliyimizin qorunması, möhkəmlənməsi uğrunda mübarizə başladı. Həmin gün Azərbaycanın tarixinə Milli Qurtuluş günü kimi daxil oldu. Bu adi qurtuluş deyildi, bu Azərbaycanın müstəqilliyinin qorunması və əbədiliyə çevrilməsi demək idi.
Hər bir Azərbaycan vətəndaşı yaxşı bilir ki, Azərbaycanda müstəqil, milli, demokratik dövlət quruculuğu 1993-cü ilin iyun ayının 15-dən başlandı. 1993-cü ilin iyun ayından Milli Qurtuluş günündən başlanan müstəqilliyimiz günü-gündən inkişaf etdirilir .Ulu öndərin hərtərəfli siyasətini bu gün Prezident İlham Əliyev uğurla davam etdirir. Prezidentimizin rəhbərliyi ilə Milli Müstəqilliyimizə qayğı, hörmət bu gün də davam etdirilir. İqtisadiyyatımız durmadan inkişaf etdirilir.
Ali Baş Komandanımızın, qəhrəman ordumuzun Qarabağ torpaqları uğrunda 44 günlük Vətən müharibəsində əldə etdiyi möhtəşəm, uğurlu qələbə Azərbaycan xalqının yaddaşından heç vaxt silinməyəcək. Bu hər bir Azərbaycanlının qəlbinin silinməz səsidir. Bu qələbə Ulu Öndərin ən böyük arzusu idi. Cənab İlham Əliyev böyük bir coşqu, böyük bir arzu ilə ata vəsiyyətini yerinə yetirdi.
Heydər Əliyev
Şəmkir Regional Ədliyyə İdarəsinin böyük məsləhətçisi
