Vətən müharibəsində canını,qanını, ailəsini və gəncliyini vətənə qurban verən igid oğullarımızdan biri Şəhid Tural Cuvarovun əziz xatirəsi doğum günündə anılıb.
Tural Cuvarov 1996-cı il mayın 1-də Şəmkir rayonunun Ələsgərli kəndində anadan olub.
2003-2014-cü illərdə Ələsgərli kənd orta məktəbində təhsil alıb.
2014-2016-cı illərdə Azərbaycan Silahlı Qüvvələrinin “N” saylı hərbi hissəsində müddətli həqiqi hərbi xidmətdə olub.
İgid əsgər Vətən müharibəsi zamanı Füzulinin və Qubadlının azadlığı uğrunda gedən döyüşlərdə iştirak edib. O, oktyabrın 26-da Qubadlı döyüşləri zamanı şəhid olub, doğulub boya-başa çatdığı Ələsgərli kəndində dəfn olunub.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti cənab İlham Əliyevin Sərəncamına əsasən Tural Cuvarov ölümündən sonra “Vətən uğrunda”,”Döyüşdə fərqlənməyə görə” və “Füzulinin azad olunmasına görə” medalları ilə təltif edilib.
Şəmkir Rayon İcra Hakimiyyətinin əməkdaşları tərəfindən şəhid Tural Cuvarovun doğum günündə məzarı ziyarət olunub, əziz xatirəsi anılıb.
Allah rəhmət eləsin!
