Xəbər verdiyimiz kimi, bu günlərdə sakinlərimizin ən çox istifadə etdiyi Səməd Vurğun küçəsində abadlıq-quruculuq işlərinə start verilib.
Belə ki, ilk olaraq Səməd Vurğun 250 ünvanına qədər olan hissədə yolun keyfiyyətli və uzunömürlü olması üçün təmir-bərpa işləri aparıldı, yeni asfalt örtüyü çəkildi.
Görülən işlərin növbəti mərhələli olaraq Səməd Vurğun küçəsinin qalan hissəsi və Aşıq Teymur küçəsində (Şəmkir şəhərindən Gədəbəy rayonuna gedən yol) yenidənqurma işlərinə start verilib.
Hazırda həmin ərazilərin su təchizatı və kanalizasiya sistemi yenidən qurulur. Bundan əlavə qazılan yerlərdə kipləşdirmə işləri aparılaraq asfalt örtük döşənməsi üçün hazır vəziyyətə gətirilir.
Bütün bu işlər başa çatdıqdan sonra isə Səməd Vurğun küçəsinin qalan hissəsinə və Aşıq Teymur küçəsinə yeni asfalt örtüyü çəkiləcəkdir.
Qeyd edək ki, Şəmkir şəhərində yol infrastrukturunun yenilənməsi, təmirə ehtiyacı olan yolların bərpa olunması və yeni asfalt örtüyü çəkilməli olan yollar mərhələli şəkildə yenilənəcək və sakinlərimizin rahatlığı üçün bütün imkanlar yaradılacaqdır.
