2020-ci il iyul ayının 12-si Milli ordumuz yenə tarix yazdı.
Bədnam qonşularımızın ölkəmizə qarşı təxribat törətmək cəhdinin qarşısı alındı. Artıq həm siyasi , həm də hərbi sahədə ölkəmizdən çox-çox geridə qalan Ermənistan dövləti uçuruma doğru gedir. Əlbəttə, səriştəsiz idarəçilik və səriştəsiz baş naziri olan ölkə məhvə məhkumdur. Ölkəmiz hər sahədə günü-gündən inkişaf edir. Dünya dövlətləri ölkəmizin mövqeyini dəstəkləyir. Bu da bədnam qonşularımızı qıcıqlandırır, dövlətimizə qarşı məkrli planlar hazırlayırlar. Amma bizim güclü ordumuz hər cür təxribatın qarşısını almaq gücündədir. Buna 12 iyul döyüşlərində də şahid olduq. Doğrudur, şəhidlər verdik. Amma bir qarış torpaq düşmənə vermədik. Xalq Ali Baş Komandanın yanındadır,onu dəstəkləyir. Ordumuza güvən sonsuzdur. Bizim xalq vətənpərvər xalqdır. Ordumuza dəstək aksiyasında bunun bir daha şahidi olduq. Minlərlə insan könüllü olaraq cəbhəyə getmək istədiyini bəyan etdi. Əlbəttə, bu qürurverici haldır. Amma ordumuz kifayət qədər səriştəli şəxsi heyətə malikdir. Ona görə də biz sadəcə Ali Baş Komandanın ətrafında yumruq kimi birləşib düşmənə qarşı bir olmalıyıq.
İrəli, mübariz Azərbaycan ordusu. Səndən zəfərlər gözləyirik .
Türkan Məmmədzadə
Yevlax şəhər Şıxəli Qurbanov adına
8 saylı tam orta məktəbin müəllimi
