19 dekabr 2024-cü il tarixində Bakının Nərimanov rayonu, Ələşrəf Əlizadə küçəsində yerləşən “Promusic” musiqi alətləri mağazasında yanğın baş verib. Yanğın qısaqapanma nəticəsində meydana gəlib və mağaza işçiləri dərhal təxliyə edilib.
Fövqəladə Hallar Nazirliyinin məlumatına görə, yanğın ümumi sahəsi 30 kvadrat metr olan anbar hissəsində baş verib. Yanğın nəticəsində anbarın 6 kvadrat metr sahəsində musiqi alətləri, 6 metr elektrik kabeli və 3 ədəd elektrik açarı yanıb.
Yanğınsöndürənlər hadisə yerinə cəlb olunaraq alovları söndürüb. Mağazanın böyük hissəsi və ətraf ərazilər yanğından mühafizə olunub. Hadisə nəticəsində xəsarət alan olmayıb. Mağazanın sahibi və maddi ziyanın dəqiq məbləği barədə məlumat hələlik açıqlanmayıb.
