“Qadın və Gənc Ailələrin Sosial İnkişafı” İctimai Birliyi, Azərbaycan Gənclər Fondunun maliyyə dəstəyi ilə SU HƏYATDIR! – Ekoloji konfransın təşkili layihəsinə başlamışdır.Layihənin əsas məqsədi, ətraf mühitin, su ehtiyatlarının qorunması və onlardan səmərəli istifadə edilməsi, müvafiq qlobal ekoloji problemlərin həllinə dəstək vermək üçün gənclərin ekoloji maarifləndirilməsidir.Layihə üç ay müddətində 06 sentyabr – 06 dekabr 2024-cü il tarixlərində Xaçmaz rayonunda həyata keçiriləcəkdir. Ümumilikdə üç seminarı əhatə edəcək layihəyə 120 nəfər gənc cəlb olunacaqdır.Azərbaycan Gənclər Fondunun “Yaşıl Dünya Naminə Həmrəylik ili” çərçivəsində elan etdiyi qrant müsabiqəsinin qalibi olan SU HƏYATDIR! – Ekoloji konfransın təşkili layihəsinin ilk tədbiri Xaçmaz rayon Akademik Zərifə Əliyeva adına 8 saylı məktəb- liseydə keçirildi. Layihədə iştirak edən gənclərə ekoloji maarifləndirici seminar keçirildi. Çıxış edənlər Qadın və Gənc Ailələrin Sosial İnkişafı İctimai Birliyinin sədri Tünzalə Cavadova, Xaçmaz rayon İcra Hakimiyyəti ictimai-siyasi və humanitar məsələlər şöbəsinin baş məsləhətçisi Yaqut Məsimova, məktəb –liseyin təşkilatçısı Sədaqət Cəmiyeva COP29 beynəlxalq tədbiri ərəfəsində belə bir layihənin keçirilməsinin tədqirə layiq olmasından və suyun insan həyatı üçün böyük əhəmiyyətindən danışdılar.Qeyd edək ki, layihə Azərbaycan Gənclər Fondu tərəfindən dəstəklənir.
