Gündəmimizin əsas mövzularından biri də, hər gün getdikcə daha çox artan əxlaqsızlıq yuvalarıdır.
Redaksiyamıza daxil olan şikayətdə bildirilir ki, Tovuz rayonunda Elvin adlı şəxs qanunsuz işlərlə məşğul olur. Daha aydın desək, 3-4 dənə kafe işlədir. Kafeləri normal işlətmir. Sakinlərin şikayətlərinə görə kafelərdən əxlaqsızlıq yuvası kimi istifadə edir. Məsələni araşdırmaq üçün redaksiyamız özü bir başa sözügedən ünvana yollandı. Nəticədə məlum oldu ki, sakinlərin şikayəti əsaslı imiş. Elvin adlı şəxs kafe adı altında əxlaqsızlıq yuvaları işlədir. Sakinlər bildirir ki, bura gələn qızların kimliyi məlum deyil. Onların əllərindən çöl, bayıra rahat çıxa bilmirik. Geyimləri, davranışları hansı yuvanın quşu olduğunu yaxşı göstərir. Bir neçə dəfə aidiyyatı qurumlar Elvin bəy onun qanunsuz fəaliyyət göstərən kafeləri barəsində tədbir görsələr də, bir müddət sonra kafelər yenə öz fəaliyyətlərinə davam ediblər. Kənd sakinləri artıq cana gəliblər.
Məsələ ilə bağlı üzümüzü tuturuq aidiyyatı qurumlara. Elvin bəy və onun kimi cəmiyyətə zərər verən insanlar araşdırılmalı və yerindəcə layiqli tedbir görülməlidir.
Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq.
