Xeyriyyəçilik təkcə imkan məsələsi deyil! Bu missiyadır, xarakterdir, hətta bir çox hallarda genetik ənənədir. Əlbəttə, gerçək xeyriyyəçilər hansısa işi onlara əl çalınması, reklam edilməsi üçün görmürlər.
“Balıq bilməsə də Xaliq bilir”…
Amma ortada bir reallıq da var: Xeyriyyəçiləri xalq tanımalıdır, onlar örnək göstərilməli və digərləri də bundan nümunə götürməlidir. Həmçinin, onların adı tarixə yazılmalıdır, sabahkı nəsil də təcrübələri əsas götürməlidir. Əgər belə olarsa, vətəndaşlarımız da bu günümüz, sabahımız üçün pessimist olmaz və bilərlər ki, cəmiyyətimiz xeyirxah insanlar yetişdirməkdə davam edir…
Prezidentimiz Cənab İlham Əliyev bu gün ölkəmizdə sahibkarlıq sahəsinə və iş adamlarına hər daim xüsusi diqqət yetirir, qayğı göstərir.
Sahibkarlarımızın və iş adamlarımızın ölkəmizdə göstərdiyi xeyriyyə əməlləri də hər zaman diqqət mərkəzində olmuşdur. Bunlara misal olaraq Şəmkir rayon Qapanlı kəndində fəaliyyət göstərən Məhərrəm Musayevi və Müsbət müəllimi göstərə bilərik.
Çox əfsuslar olsun ki, onların xeyriyyəçilik işlərinə qara qüvvələr mane olmağa və işlərini sıfıra endirməyə çalışırlar.
Nəzərinizə onu da çatdırmaq istəyirik ki, Şəmkir rayon Qapanlı kənd sakini Əliyev Əbülfəz Müzəffər oğlu müharibədə iştirak etmədən saxta hərbi bilet almışdır. Bu gün Əbülfəz müəllim kənd camaatına göz verib işıq vermir. Kənd sakinlərini, xeyriyyəçi insanları, sahibkarları işlərini icra etməyə qoymur. Onları şantaj edir. Özü bir işin yiyəsi deyil, camaata da aman vermir.
Onu da qeyd etmək istəyirik ki, əməkdaşlarımız Qapanlı kəndinə girərkən Kənd Icra nümayəndəsi Fəxri müəllim və kənd Bələdiyyəsi Rüfət müəllimlə əlaqə saxlamışlar, lakin heç biri kənddə olmadığı üçün görüşə bilməmişlər. Lakin telefonla əlaqə saxlayıblar. Fəxri müəllim və Rüfət müəllim bizə telefonda təşəkkürlərini bildirdilər. Hər ikisi Məhərrəm və Müsbət müəllimdən ağız dolusu danışdılar. Onların etdiyi xeyriyyəçilik əməllərindən çox razı olduqlarını bildirdilər.
Bizdə öz növbəmizdə Redaksiyamız adından Məhərrəm və Müsbət müəllimə əməllərindən dolayı təşəkkür edir, onlara gələcək fəaliyyətlərində uğur və müvəffəqiyyətlər arzu edirik.
